თბილისის საკრებულოს თავმჯდომარემ, გიორგი ტყემალაძემ, დედაქალაქის მერთან, კახა კალაძესთან, საკრებულოს ისნის რაიონის მაჟორიტარ დეპუტატ კახა ლაბუჩიძესთან, თბილისის მერის მოადგილე კახა გულედანთან და საბავშვო ბაგა-ბაღების მართვის სააგენტოს ხელმძღვანელ კახა აბულაძესთან ერთად ისნის რაიონში ახალაშენებული საბავშვო ბაღი დაათვალიერა.
N124 ბაგა-ბაღი ვაზისუბნის დასახლებაში, აშოტ კურაპალატის ქუჩაზე, აშენდა და აღსაზრდელების პირველი ნაკადი 16 სექტემბერს მიიღო. ბაღი 9-ჯგუფიანია და 290 აღსაზრდელზეა გათვლილი.
როგორც საკრებულოს თავმჯდომარემ, გიორგი ტყემალაძემ განაცხადა, სრულფასოვანი პიროვნების ჩამოყალიბება ბავშვობის ასაკიდან იწყება, ამიტომ სკოლამდელი საგანმანათლებლო სისტემის გამართული მუშაობა ჩვენი ქვეყნის უმნიშვნელოვანესი პრიორიტეტია.
ბაგა-ბაღის შენობა ადაპტირებულია შშმ პირთათვის, აქვს კეთილმოწყობილი გამწვანებული ეზო და სათამაშო მოედნები; შენობა აღჭურვილია ვიდეოსამეთვალყურეო და სახანძრო უსაფრთხოების სისტემებით, უსაფრთხოების ბადეებითა და სააღმზრდელო ჯგუფების ინდივიდუალური საევაკუაციო კიბეებით. პროექტის ბიუჯეტი 4,5 მილიონი ლარია.
ავარიული მრავალბინიანი სახლების ჩანაცვლების პროგრამის ფარგლებში პირველი პროექტი დასრულდა
ოქტომბერი 24,2024გიორგი ახვლედიანმა და ზურაბ აბაშიძემ საზოგადოებას წლის განმავლობაში გაწეული საქმიანობის ანგარიში წარუდგინეს
ოქტომბერი 23,2024გიორგი ტყემალაძემ აბაშიძის ქუჩაზე ახლად რეაბილიტირებული დასასვენებელი სივრცე დაათვალიერა
ოქტომბერი 23,2024