თბილისის მუნიციპალიტეტის საკრებულოს ფრაქცია "ნაციონალური მოძრაობა-თბილისის" თავმჯდომარემ ირაკლი აბესაძემ და "ერთიანი ნაციონალური მოძრაობის" ერთ-ერთმა ლიდერმა ნიკა მელიამ საკრებულოში ბრიფინგი გამართეს.

ოპოზიციის წარმომადგენლები მერიას საატესტაციო გამოცდების გამჭვირვალედ ჩატარებისკენ მოუწოდებენ და მოსალოდნელი გაუგებრობების თავიდან ასაცილებლად ვიდეო გადაღების უფლებას ითხოვენ.

"მოვუწოდებთ დავით ნარმანიას,  კონკურსი  რეალურად  კონკურენტუნარიან გარემოში და იმ პირობების უზრუნველყოფით ჩატარდეს, რაც მის ობიექტურობას დაამტკიცებს", - განაცხადა ირაკლი აბესაძემ. 

ნიკა მელიამ კი საზოგადოებას საატესტაციო კონკურსში დროულად დარეგისტრირებისაკენ მოუწოდა.