ქალაქ თბილისის მუნიციპალიტეტის საკრებულოში ‘’ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების შესახებ’’ კომისიამ ფუნქციონირება დაიწყო 2013 წლის 09 სექტემბრიდან.

კომისია თავის საქმიანობას ახორციელებს, ''ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების შესახებ”  საქართველოს კანონისა და „ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების წესისა და საკუთრების უფლების მოწმობის ფორმის დამტკიცების შესახებ“ საქართველოს პრეზიდენტის #525 ბრძანებულების საფუძველზე. 

კომისიის განხილვის საგანია კანონის ამოქმედებამდე (2007 წლის 11 ივლისი) ფიზიკური პირის მიერ თვითნებურად დაკავებული მიწის ნაკვეთები, რომელზეც განთავსებულია კაპიტალური შენობა-ნაგებობა ან წარმოადგენს საკუთრების მომიჯნავე მიწის ნაკვეთს.

მოქალაქემ თვითნებურად დაკავებულ მიწაზე საკუთრების უფლების აღიარების შესახებ მოთხოვნის დასადასტურებლად კომისიას უნდა წარუდგინოს შემდეგი დოკუმენტაციები:

- ცნობა- დახასიათება საინვენტარიზაციო გეგმასათან ერთად (საჯარო რეესტრი)
- ცნობა მესაკუთრის შესახებ მასშტაბით 1:500- ზე (განახლებული) (საჯარო რეესტრი)
- ორთოფოტო ბეჭდით და კოორდინატებით
- საკადასტრო აზომვითი ნახაზი ელ. ვერსიით
- მომიჯნავე მეზობლების დასტური ნოტარიულად დამოწმებული
- პირადობის ასლი
- შენობის, ღობის ფოტო სურათები
- ამონაწერი დაკანონებულ ფართზე გეგმასთან ერთად (განახლებული)
- ცნობა მიწის ნაკვეთის დანიშნულების შესახებ (საჯარო რეესტრი)
- კომუნალური გადახდის ქვითრები

კონსულტაციისთვის შეგიძლიათ მობრძანდეთ ქ. თბილისის მუნიციპალიტეტის  საკრებულოში მის: ქ.თბილისი, თავისუფლების  ქ. # 2-ში, ან ინფორმაციის მისაღებად დარეკოთ ნომრებზე: 215--93-93  (შიდა 422 ) ;  215-92-92  (შიდა 422 )