თბილისის საკრებულოს ქონების მართვის და საფინანსო საბიუჯეტო კომისიის სხდომა გაიმართა, რომელსაც კომისიის თავმჯდომარე ლევან არველაძე უძღვებოდა. კომისიის წევრებმა 2025 წლის ბიუჯეტით გათვალისწინებული პროგრამის/ქვეპროგრამის ფარგლებში, ასიგნებების კვარტალური გადანაწილების და ნაშთის ცვლილების საკითხი განიხილეს. საკითხი მერიის საფინანსო საქალაქო სამსახურის უფროსმა გაიოზ თალაკვაძემ და მისმა მოადგილემ ლევან მიქავამ წარადგინეს.

როგორც სხდომაზე აღინიშნა,  კვარტალური გადანაწილება დედაქალაქის მერიის საქალაქო სამსახურების და რაიონული გამგეობების მოთხოვნის საფუძველზე ხორციელდება.

კომისიის წევრებმა დღის წესრიგით გათვალისწინებულ საკითხს  მხარი დაუჭირეს.