თბილისის  საკრებულოში  სარევიზიო კომისიის სხდომა გაიმართა, რომელსაც კომისიის თავმჯდომარე ლევან ჯაფარიძე უძღვებოდა. 

კომისიის წევრებმა   “თბილისის მუნიციპალიტეტის 2024 წლის ბიუჯეტის 6 თვის შესრულების კვარტალური მიმოხილვის შესახებ“ ინფორმაცია მოისმინეს. საკითხი კომისიის წევრებს მერიის საქალაქო საფინანსო სამსახურის უფროსის მოადგილემ ლევან მიქავამ გააცნო. 

კომისიის წევრებმა ააიპ „თბილისის საბავშვო ბაგა-ბაღების მართვის სააგენტოს“   მიერ 2020 წლის 1 იანვრიდან 2022 წლის 31 დეკემბრის ჩათვლით პერიოდში გაწეული საფინანსო-სამეურნეო საქმიანობის სარევიზიო შემოწმების მასალები განიხილეს და  ააიპ „ახალგაზრდობის ეროვნული სასახლე“-ს მიერ  2021 წლის 1 იანვრიდან  2023 წლის 31 დეკემბრის ჩათვლით პერიოდში გაწეული საფინანსო-სამეურნეო საქმიანობის სარევიზიო  შემოწმების მასალებზე იმსჯელეს. 

სარევიზიო კომისიის სხდომაზე  თბილისის  საკრებულოს სარევიზიო კომისიის 2024 წლის 6 თვის (01.01.2024-01.07.2024წწ) მუშაობის ანგარიშიც განიხილეს.