21 მარტი 2025 თბილისის საკრებულოში განათლებისა და კულტურის კომისიის სხდომა გაიმართა, რომელსაც კომისიის თავმჯდომარე კახა ლაბუჩიძე უძღვებოდა.
სხდომაზე კომისიის წევრებმა ქალაქ თბილისის მუნიციპალიტეტის 2024 წლის ბიუჯეტის შესრულების წლიური ანგარიში მოისმინეს. საანგარიშო პერიოდში გაწეული საქმიანობისა და ხარჯების შესახებ ინფორმაცია ქალაქ თბილისის მუნიციპალიტეტის მერიის საფინანსო საქალაქო სამსახურის საბიუჯეტო განყოფილების უფროსმა მაია გრძელიძემ წარადგინა.
კომისიის წევრებმა მოისმინეს ინფორმაცია განათლებისა და კულტურის მიმართულებით საანგარიშო პერიოდში დასახული პრიორიტეტების ფარგლებში განხორციელებული ღონისძიებების, მიღწეული შედეგებისა და ბიუჯეტით გათვალისწინებული პროგრამების შესრულების მაჩვენებლების შესახებ.
კომისიის წევრებმა წარმოდგენილი საკითხის საკრებულოს სხდომაზე წარსადგენად დადებითი რეკომენდაციები გასცეს.
