თბილისის მუნიციპალიტეტის  VII  მოწვევის საკრებულოს წევრმა აკაკი ალადაშვილმა საზოგადოებას საანგარიშო პერიოდში მისი ჩართულობით მიღებული გადაწყვეტილებების შესახებ ანგარიში წარუდგინა.   

როგორც აკაკი ალადაშვილმა აღნიშნა,  საანგარიშო პერიოდში  სულ მოწვეულ იქნა საკრებულოს 15   სხდომა, რომლებზეც მიღებულ იქნა 615 განკარგულება და 105 დადგენილება.

აკაკი ალადაშვილმა დამსწრე საზოგადოებას ინფორმაცია მიაწოდა საკრებულოს ფრაქცია ,,ქართული ოცნება - დემოკრატიული საქართველოს“ სხდომებში  მონაწილეობის შესახებ.  მისი თქმით, ფრაქციას ჩატარებული  აქვს 18 სხდომა, რომლებზეც განიხილეს და სხვადასხვა სახის რეკომენდაცია შეიმუშავეს  26  საკითხზე, მათ შორის დედაქალაქის 2023 წლის ბიუჯეტის პროექტის შესახებ, აგრეთვე სატრანსპორტო, ურბანული, ქონების მართვის და  გარემოს დაცვის მიმართულებით განსახორციელებელი პროგრამებისა და პროექტების შესახებ.

საკრებულოს წევრმა ანგარიშის წარდგენისას ასევე ისაუბრა  იურიდიულ საკითხთა და ადამიანის უფლებათა დაცვის კომისიაში, ქონების მართვისა და საფინანსო-საბიუჯეტო კომისიაში მუშაობის თაობაზე. მან ყურადღება გაამახვილა საანგარიშო პერიოდში მხარდაჭერილ მნიშვნელოვან საკითხებზე, როგორებიცაა: ყოფილი საბინაო-სამშენებლო კოოპერატივების წევრების/ მათი უფლებამონაცვლის დაკმაყოფილება, დაუსრულებელი მშენებლობების დასრულების მიზნით გასატარებელი ხელშემწყობი ღონისძიებების შესახებ მიღებული გადაწყვეტილებები და ავარიული სახლების ჩანაცვლების პროგრამა და სხვა.

დღესვე აკაკი ალადაშვილთან ერთად გაწუელი საქმიანობის შესახებ ანგარიში საკრებულოს წევრმა ალექსანდრე ხუჯაძემ წარადგინა.

ანგარიშის წარდგენას საკრებულოს წევრები და მოქალაქეები ესწრებოდნენ.