02 ოქტომბერი 2023
თბილისის საკრებულოს გენდერული თანასწორობის საბჭოს ინიციატივით „ევროპა დონა საქართველოს“და ეროვნული სკრინინგ ცენტრის ჩართულობით დაწყებული კამპანია „შენი სიცოცხლე შენს ხელშია“ მსოფლიოს მასშტაბით ოქტომბერში დაგეგმილ ღონისძიებებს უერთდება, რომელიც ვარდისფერი სიმბოლოების თანხლებით მიმდინარეობს.
„ვარდისფერი ოქტომბრის“ ფარგლებში თბილისის სატელევიზიო ანძა ვარდისფრად განათდა.
კამპანიას საერთაშორისო ხასიათი აქვს და მასში ყოველწლიურად მსოფლიოს არაერთი ქვეყანა იღებს მონაწილეობას.
„ვარდისფერი ოქტომბერი“ მთელ მსოფლიოში 1997 წლიდან აღინიშნება და ძუძუს კიბოს შესახებ ცნობიერების ამაღლებას ემსახურება.
