თბილისის საკრებულოს ჩუღურეთის მაჟორიტარმა რიმა ბერაძემ, რაიონის გამგებელთან ზურაბ ჩიკვილაძესთან და ბაგა-ბაღების მართვის სააგენტოს ხელმძღვანელთან კახაბერ გვანცელაძესთან ერთად, პაატა სააკაძის ქუჩაზე მდებარე N10 საბავშვო ბაღში ახალი კორპუსის მშენებლობის პროცესი დაათვალიერა.

ამჟამად საბავშვო ბაღში 177 აღსაზრდელია. ახალი კორპუსის დასრულების შემდეგ კი ბაღი დამატებით 120 ბავშვის მიღებას შეძლებს.

„მოხარული ვარ გაცნობოთ, რომ ჩვენი და ბაღების მართვის სააგენტოს ერთობლივი მუშაობის შედეგად, მე 10 საბავშვო ბაღს კიდევ ერთი კორპუსი ემატება, რომელიც დამატებით 120 ბავშვის მიღების საშუალებას მოგვცემს.
ბაღს ღონისძიებების დარბაზი, ორი სათამაშო მოედანი და ბავშვებზე ადაპტირებული ეზოც შეემატება“, - განაცხადა რიმა ბერაძემ.

N10 ბაღის შენობას რეაბილიტაცია მიმდინარე წელს  ჩაუტარდა, რის შემდეგაც მისი გაფართოვება დაიწყო.

ახალი კორპუსი ექსპლოატაციაში ნოემბრის ბოლოდან შევა.