თბილისის საკრებულოს გლდანის რაიონის (მუხიანი) მაჟორიტარმა დეპუტატმა ქეთევან ჯოხაძემ გლდანის რაიონის გამგებელთან ბექა მიქაუტაძესთან ერთად მის სამაჟორიტარო ოლქში მიმდინარე ინფრასტრუქტურული სამუშაოები დაათვალიერა.

მუხიანში, დუმბაძის გამზირის დასაწყისში №: 1-4 კორპუსებთან მდებარე სკვერისა და მიმდებარე ტერიტორიის რეაბილიტაცია მიმდინარეობს.

პროექტის ფარგლებში, 3 400 კვ.მ. ფართობზე ბავშვთა გასართობი სივრცე, მოსასვენებელი პავილიონი, სარწყავი სისტემები მოეწყობა და სკვერისთვის საჭირო სხვა ინფრასტრუქტურა განთავსდება. ამასთან, უკვე მოეწყო განათების სისტემა.

სამუშაოები, რომელსაც გლდანის რაიონის გამგეობის დაკვეთით, ტენდერში გამარჯვებული შპს „გია კონსტრაქშენი“ ახორციელებს, მიმდინარე წლის აგვისტოში დასრულდება.