თბილისის საკრებულოს თავმჯდომარის მოადგილის მარიკა დარჩიას ინიციატივით, წიგნის ჩუქების დღესთან დაკავშირებით,  საკრებულოს აპარატის წარმომადგენლებმა, ისნის რაიონის მაჟორიტარ დეპუტატთან ნინო ლაცაბიძესთან ერთად, ხანდაზმულთა პანსიონატი „ბასილიადა“ მოინახულეს.

საკრებულოს წარმომადგენლებმა, მაკულატურის ჩაბარების შედეგად მიღებული „ნერგი-ბარათებით“ შეძენილი წიგნები და სააღდგომო ნობათი ხანდაზმულებს გადასცეს.

სტუმრებმა ბენეფიციარებს წიგნის საერთაშორისო დღე და  დამდეგი აღდგომის ბრწყინვალე დღესასწაული მიულოცეს, ჯანმრთელობა უსურვეს და კომპეტენციის ფარგლებში მხარდაჭერას დაპირდნენ.