თბილისის საკრებულოს ჩუღურეთის მაჟორიტარმა დეპუტატმა რიმა ბერაძემ, რაიონში მცხოვრებ ინტელიგენციის, ეროვნული უმცირესობების წარმომადგენლებს და  სოციალურად დაუცველი ოჯახების წევრებს სააღდგომო ნობათი და საჩუქრები გადასცა.

საკრებულოს წევრი მოსახლეობას პირადად ესტუმრა და დამდეგი აღდგომის ბრწყინვალე დღესასწაული მიულოცა.

„დღეს ჩვენს რაიონში მცხოვრები ინტელიგენციის, ეროვნული უმცირესობების და სოციალურად დაუცველი ოჯახების წარმომადგენლები  მოვინახულეთ და მათ დამდეგი აღდგომის ბრწყინვალე დღესასწაული მივულოცეთ. მინდა  ყოველივე საუკეთესო ვუსურვო ჩემს ჩუღურეთელებს, რომელთაც  ვცდილობთ ყურადღება და თანადგომა არასოდეს  მოვაკლოთ“,- განაცხადა რიმა ბერაძემ.