თბილისის საკრებულოს ჩუღურეთის რაიონის მაჟორიტარმა დეპუტატმა რიმა ბერაძემ, რაიონის გამგებელთან ზურაბ ჩიკვილაძესთან ერთად, სულიაშვილის 8 ნომერში მდებარე საცხოვრებელ სახლში ჩატარებული გამაგრებითი სამუშაოები დაათვალიერა. აღნიშნულ მისამართზე მდებარე სახლის საძირკველი და კედლები რკინა-ბეტონის კონსტრუქციებით კაპიტალურად გამაგრდა.

პროექტი „ბინათმესაკუთრეთა ამხანაგობების განვითარების პროგრამის“ ფარგლებში განხორციელდა. სარემონტო სამუშაოებისთვის რაიონის გამგეობიდან 171 000 ლარი გამოიყო და სამუშაოები კონტრაქტორმა კომპანიამ განახორციელა.

 „ავარიული სახლები ჩუღურეთში მრავლადაა და ამიტომაც ჩვენი მუშაობის ერთ-ერთი პრიორიტეტი ეს მიმართულებაა. მხოლოდ მიმდინარე წელს, რაიონში 11 ავარიული სახლი კაპიტალურად გამაგრდა. 10 შენობის გამაგრების სამუშაოები ახლაც მიმდინარეობს,“ - განაცხადა რიმა ბერაძემ.