თბილისის საკრებულოს ნაძალადევის რაიონის მე-19 ოლქის მაჟორიტარმა წევრმა მიხეილ ამაშუკელმა რაიონის მოსახლეობას მე-12 საჯარო სკოლის დარბაზში საკუთარი საქმიანობის წლიური ანგარიში ჩააბარა.

მაჟორიტარმა დეპუტატმა რაიონის მცხოვრებლებს სოციალურ, ინფრასტრუქტურულ და სხვა მნიშვნელოვან საკითხებთან დაკავშირებით დეტალური ინფორმაცია მიაწოდა,  განხორციელებული პროექტებისა და სამომავლო გეგმების თაობაზე  მათი აზრი მოისმინა და ნაძალადევის რაიონში არსებული პრობლემების მოგვარებაზე მათთან ერთად იმსჯელა.

მიხეილ ამაშუკელმა დღესვე მოსახლეობას დედაქალაქის საკრებულოში, კერძოდ კი, ფრაქციაში -,,ქართული ოცნება’’, ასევე ეკოპოლიტიკის, მიწის ლეგალიზების, სპორტისა და სატრანსპორტო კომისიებში განხორციელებული საქმიანობის თაობაზე მიაწოდა ინფორმაცია.

საკრებულოს მაჟორიტარმა წევრმა ნაძალადევის რაიონის მე-19 ოლქის მცხოვრებლებს წლიური ანგარიში წარმომადგენლობითი ორგანოს  წევრთან, მიწის ლეგალიზების კომისიის თავმჯდომარესთან ანა ლაშხთან ერთად წარუდგინა.

შეხვედრის დასასრულს, მიხეილ ამაშუკელმა დამსწრე საზოგადოებას თანადგომისთვის მადლობა გადაუხადა და სამომავლოდ, აქტიური ურთიერთთანამშრომლობის იმედი გამოთქვა.