თბილისის საკრებულოს ისნის რაიონის მაჟორიტარმა წევრმა ლევან დავითაშვილმა ამავე რაიონის დეპუტატთან, პარლამენტის წევრ კახა კახიშვილთან და  ისნის რაიონის გამგებელთან  კახა ლაბუჩიძესთან ერთად სამაჟორიტარო რაიონში მიმდინარე ინფრასტრუქტურული სამუშაოები დაათვალიერა.  

როგორც დეპუტატმა აღნიშნა, ქვეყანაში შექმნილი მდგომარეობის მიუხედავად, რაიონში ბინათმესაკუთრეთა ამხანაგობის პროგრამის ფარგლებში გათვალისწინებული ინფრასტრუქტურული პროექტები აქტიურად ხორციელდება. 

„დღეს, ისნის რაიონის გამგებელთან კახა ლაბუჩიძესთან, პარლამენტის მაჟორიტარ წევრთან კახა კახიშვილთან ჩემსავე მაჟორიტარულ ოლქში ბინათმესაკუთრეთა  ამხანაგობის პროგრამის ფარგლებში მიმდინარე ინფრასტრუქტურული სამუშაოები დავათვალიერეთ. ამასთანავე, შევხვდვით მოსახლეობას და სამომავლო გეგმები ერთობლივად განვიხილეთ“. - განაცხადა ლევან დავითაშვილმა

ლევან დავითაშვილის ინფორმაციით, აღნიშნული პროექტის ფარგლებში, რაიონში შემდეგი სამუშაოები მიმდინარეობს: 

ვარკეთილის 4მ/რ III კვარტლის N2 კორპუსის და ასევე წულუკიძის 4 შესახვევი, კორპუსი N1, N3, N5, N7, მიმდებარედ ასფალტის საფარის დაგების სამუშაოები ხორციელდება. ვაზისუბნის 4მ/რ 1კვ. N13 და ამავე რაიონში ვაზისუბნის 1მ/რ N16 კორპუსების მიმდებარედ სკვერების კეთილმოწყობა ხდება, ხოლო წულუკიძის მე-4 შეს. V და VII კორპუსებში კი, სადარბაზოების შესასვლელების გადახურვის სამუშაოები მიმდინარეობს.