თბილისის საკრებულოს ისნის რაიონის მაჟორიტარმა წევრმა ლევან დავითაშვილმა, ამავე რაიონის პარლამენტის დეპუტატთან ირაკლი აბუსერიძესთან და რაიონის გამგებელთან კახა ლაბუჩიძესთან ერთად სამაჟორიტარო ოლქში მიმდინარე ინფრასტრუქტურული სამუშაოები დაათვალიერა.

როგორც ლევან დავითაშვილმა განაცხადა, ინფრასტრუქტურული პროექტების ფარგლებში ვაზისუბანში  თანამედროვე სტანდარტების შესაბამისი დასასვენებელი სივრცეები მოეწყობა.

მისივე ინფორმაციით, პარალელურ რეჟიმში რაიონში  სპორტული მოედნების განახლება, ვაზისუბნის  N 163  საჯარო სკოლის მიმდებარედ საყრდენი კედლის გამაგრებითი სამუშაოები, სავალი კიბეების რეკონსტრუქცია და საკანალიზციო სისტემების რეაბილიტაცია მიმდინარეობს.