თბილისის საკრებულოს ისნის რაიონის მაჟორიტარი დეპუტატი ლევან დავითაშვილი, პარლამენტის წევრ ირაკლი აბუსერიძესთან და საქართველოს განათლების, მეცნიერების, კულტურის და სპორტის  მინისტრის მოადგილე ნათია ზედგინიძესთან ერთად, ვაზისუბანში მდებარე 90-ე საჯაროს სკოლის დირექტორს შეხვდა. დეპუტატი  სკოლის ინფრასტრუქტურას  და ამ კუთხით არსებულ საჭიროებებს გაეცნო.

ლევან დავითაშვილმა  ყურადღება გაამახვილა სასწავლო გარემოს გაუმჯობესების აუცილებლობასა და ინფრასტრუქტურის განვითარებაზე. დეპუტატის თქმით,  განათლების სამინისტროს მხარდაჭერით,  სკოლაში კაპიტალური სარეაბილიტაციო სამუშაოები მიმდინარე წელს დაიწყება.