თბილისის საკრებულოს ისნის რაიონის მაჟორიტარი წევრი ლევან დავითაშვილი პარლამენტის ამავე რაიონის მაჟორიტარ დეპუტატთან, ირაკლი აბუსერიძესთან და ისნის რაიონის გამგებელთან კახა ლაბუჩიძესთან  ერთად რაიონში მიმდინარე სარეაბილიტაციო სამუშაოებს გაეცნო.

ოგორც დეპუტატმა აღნიშნა,  ინფრასტრუქტურული პროექტები შემდეგ მისამართებზე მიმდინარეობს:

ვაზისუბნის II მიკრორაიონის  N19 და  N21 კორპუსების ირგვლივ, სადაც საგზაო სამუშაოები ტარდება.

კორპუსების ეზოების მოასფალტებისთვის დაწყებულია მოსამზადებელი სამუშაოები. ორივე კორპუსის 700 კვ2 ტერიტორიაზე კი ბორდიურისა და ტროტუარის მოწყობაა დაგეგმილი, რომლის დასრულების შემდეგ ასფალტის საფარი დაიგება.

ვაზისუბნის II მიკრორაიონის  N11 კორპუსის მიმდებარედ სპორტული მოედნის რეაბილიტაცია დაიწყო, რომლისთვისაც ადგილობრივი ბიუჯეტიდან  130 000 ლარი გამოიყო.

,,ჩვენ შევხვდით ადგილობრივ მოსახლეობას, მათ დაგეგმილი ინფრასტრუქტურული პროექტების შესახებ ინფორმაცია მივაწოდეთ და მათთვის მნიშვნელოვან საკითხებზე  ვესაუბრეთ’’, - განაცხადა ლევან დავითაშვილმა.