თბილისის საკრებულოს სამგორის რაიონის მაჟორიტარი დეპუტატის რევაზ სოხაძის ინიციატივით დაწყებული კამპანიის „გაამწვანე ვარკეთილის“ ფარგლებში,  დღეს ვარკეთილი 3-ის, მე-2 მ/რ-ში მდებარე 166-ე ბაგა-ბაღის მიმდებარე ტერიტორიაზე 100 ძირი ფიჭვის, ნეკერჩხლის და ტირიფის ხეები დაირგა. გამწვანების აქციაში კომპანია „gwp“-ი ჩაერთო, რომელმაც აღნიშნული აქციისთვის ნერგები  შეიძინა.

როგორც რევაზ სოხაძემ განაცხადა, კამპანიის  მიზანი, რაიონში რეკრეაციული სივრცეების განვითარება და ეკოლოგიური მდგომარეობის გაუმჯობესებაა. მაჟორიტარმა დეპუტატმა კომპანია „gwp“-ის მაღალი სოციალური პასუხისმგებლობის გამოჩენისთვის მადლობა გადაუხადა და განაცხადა, რომ მსგავსი ტიპის აქციები ვარკეთილში მომავალშიც  გაგრძელდება.

გამწვანების აქციაში მონაწილეობა საკრებულოს თავმჯდომარემ გიორგი ტყემალაძემ, საკრებულოს დეპუტატებმა, სამგორის რაიონის გამგებელმა კახაბერ გულედანმა, პარლამენტის  სამგორის რაიონის მაჟორიტარმა გიორგი მოსიძემ და ადგილობრივმა მოსახლეობამ მიიღეს.