თბილისის საკრებულოს დიდუბის (დიღმის მასივი) რაიონის მაჟორიტარმა წევრმა თარაშ შურღაიამ მოსახლეობას ერთი წლის შემაჯამებელი ანგარიში გააცნო.

დეპუტატმა შეხვედრაზე ერთი წლის განმავლობაში ჩატარებული სამუშაოების შესახებ დეტალურად ისაუბრა და მოსახლეობას ის მნიშვნელოვანი პროექტები გააცნო, რომლებიც დედაქალაქის მერიამ სხვა მუნიციპალურ სამსახურებთან ერთად მისი შუამდგომლობითა და თანამონაწილეობით განახორციელა. 

შეხვედრაზე, რომელიც დისკუსიის რეჟიმში წარიმართა, თარაშ შურღაიამ რაიონის მცხოვრებლებს მათთვის საინტერესო შეკითხვებზე ამომწურავი პასუხები გასცა.