თბილისის საკრებულოს ზღვისუბნის მაჟორიტარი დეპუტატი თამარ ტალიაშვილი, ნიშნიანიძის ქუჩა N35-ში,  გზის სარეაბილიტაციო სამუშაოებს  ნაძალადევის რაიონის გამგებელ ირაკლი ხელაძესთან ერთად გაეცნო. აღნიშნულ მისამართზე  2 400 კვ.მ ფართობზე გზის საფარი დაიგო, მოეწყო ბორდიური და ტროტუარი. 

თამარ ტალიაშვილის თქმით, ეზოს კეთილმოწყობა ადგილობრივი მოსახლეობისთვის მნიშვნელოვანი პროექტია, რადგან ამ მისამართზე 90 ოჯახი ცხოვრობს  და კეთილმოწყობილი ეზოთი სარგებლობის შესაძლებლობა 10-მდე კორპუსს ექნება.

პროექტის ჯამური ღირებულება 160 000 ლარია. სამუშაოები ნაძალადევის რაიონის გამგეობის დაფინანსებით ხორციელდება.