თბილისის საკრებულოს საბურთალოს მაჟორიტარი დეპუტატი,  დავით უთმელიძე საბურთალოს გამგებელთან, გაიოზ ვასაძესთან და გამგეობის სხვა წარმომადგენლებთან ერთად  203-ე საჯარო სკოლას ესტუმრა და მოსწავლეების მიერ გამართულ ღონისძიებას დაესწრო.

„სმენის არმქონე და სმენადაქვეითებულ ბავშვთა 203-ე“ საჯარო სკოლის მოსწავლეებმა სტუმრებს სპექტაკლი „ქრისტეს შობა“ წარუდგინეს.

დავით უთმელიძემ  სკოლის აღმზრდელებსა და აღსაზრდელებს სიტყვით მიმართა, ბავშვებს ტკბილეული გადასცა და დამდეგი შობა-ახალი წელი მიულოცა.

„ძალიან ნიჭიერი ბავშვები ხართ, ამაში უკვე არაერთხელ დავრწმუნდი. დიდი მადლობა მოწვევისთვის  და ამ საოცარი სანახაობისთვის, რაც დღეს ჩვენ წარმოგვიდგინეთ, ყველას გილოცავთ  დამდეგ შობა-ახალ წელს, გისურვებთ სიკეთეს, ბედნიერებასა და ჯანმრთელობას“,-განაცხადა საკრებულოს წევრმა.