თბილისის საკრებულოს გლდანის რაიონის ლუწი მიკრორაიონების მაჟორიტარი დეპუტატი გულია გოცირიძე სოციალურად დაუცველ და მრავალშვილიან ოჯახებს ესტუმრა.

საკრებულოს წევრმა, სამაჟორიტარო ოლქში მცხოვრებ მოქალაქეებს საჩუქრები გადასცა. დეპუტატი სოციალურად დაუცველი და მრავალშვილიანი ოჯახების პრობლემებს პირადად გაეცნო და მათ თავისი კომპეტენციის ფარგლებში დახმარებას დაპირდა.

„ჩემს სამაჟორიტარო ოლქში მცხოვრებ მრავალშვილიან და სოციალურად დაუცველ ოჯახებს ხშირად ვსტუმრობთ. მათ დასახმარებლად ადგილობრივ მოსახლეობასთან და სხვადასხვა ორგანიზაციებთან ერთად საქველმოქმედო აქციებს ვმართავთ. რაიონის მოსახლეობასთან ყოველდღიური კონტაქტი მაქვს და გამგეობის წარმომადგენლებთან ერთად,  კომპეტენციის ფარგლებში მათთვის საჭირო საკითხებს ეტაპობრივად ვაგვარებთ“,- განაცხადა გულია გოცირიძემ.