გლადნის მაჟორიტარი დეპუტატი გულია გოცირიძე მერვე მიკრორაიონის  27–ე კორპუსის მცხოვრებლებს შეხვდა.

დეპუტატი ადგილობრივების პრობლემებს გაეცნო და მათ გადაჭრაში დახმარებას დაჰპირდა. ადგილობრივებმა დეპუტატს თემურ სამხარაძის ქუჩაზე აბრის შეცვლის, ფანჩატურის მოწყობისა და ბავშვებისათვის სკვერის მშენებლობის თხოვნით მიმართეს.

,,ჩვენ შეხვედრებს ყოველდღიურ რეჟიმში ვმართავთ. მთავარი საზრუნავი მოსახლეობა, მათი სურვილებისა და მოთხოვნების გათვალისწინებაა. ამჯერად, მერვე მიკრორაიონის მოსახლეობას შევხვდით და  მათი პრობლემები მოვისმინეთ. უახლოეს მომავალში  ყველა მოთხოვნა შესრულდება,“– განაცხადა გულია გოცირიძემ.