თბილისის  საკრებულოს გლდანის რაიონის მაჟორიტარმა წევრმა გულია გოცირიძემ  საქართველოს პარლამენტის ამავე რაიონის მაჟორიტარ დეპუტატებთან - ლევან კობიაშვილთან და  კობა კობალაძესთან, ასევე გლდანის რაიონის გამგებელთან ბექა მიქაუტაძესთან და ქალაქის ეკოლოგიისა და გამწვანების სამსახურის უფროსთან გიგა გიგაშვილთან ერთად სამაჟორიტარო ოლქში, მე–6 მიკრო რაიონში მშენებარე პარკის მიმდინარე სამუშაოები დაათვალიერა.

პარკი, რომელიც დასასვენებელი და  გასართობი ობიექტებით დაიტვირთება,  20 000 კვ.მეტრზე გაშენდება  და მისი პროექტის ღირებულება, დაახლოებით,   1 000 000 ლარით განისაზღვრება.

აღნიშნული პარკის მშენებლობა, როგორც გულია გოცირიძის წინასაარჩევნო დაპირება, დეპუტატის ინიციატივითა და შუამდგომლობით ხორციელდება.