თბილისის საკრებულოს გლდანის რაიონის ლუწი მიკრორაიონების მაჟორიტარმა დეპუტატმა გულია გოცირიძემ, რაიონის პარლამენტარ  კობა კობალაძესთან და გლდანის რაიონის გამგებელთან ბექა მიქაუტაძესთან ერთად,  ფორე მოსულიშვილის ქუჩაზე დასრულებული სარემონტო სამუშაოები დაათვალიერა.  

გლდანის რაიონში არსებული ფორე მოსულიშვილის ქუჩის კაპიტალური რეაბილიტაცია მცირე ხნის წინ დასრულდა. სამუშაოების ფარგლებში საგზაო ინფრასტრუქტურა 9 200 კვადრატული მეტრის ფართობზე მოწესრიგდა. სანიაღვრე ქსელი 480  მეტრზე მოეწყო, 6 400 კვ.მ ფართობზე კი, ასფალტის ორფენიანი საფარი დაიგო. 

ამ ეტაპზე, მოსულიშვილის ქუჩაზე გამწვანების ზონის მოსაწყობად, შესაბამისი სამუშაოები ხორციელდება, შემოდგომაზე კი ნარგავები დაირგვება.