თბილისის საკრებულოს  გლდანის რაიონის მაჟორიტარი დეპუტატის გულია გოცირიძის ინიციატივით,  მისსავე სამაჟორიტარო ოლქში, რამდენიმე ინფრასტრუქტურული პროექტი ხორციელდება.

კერძოდ, პატარა ტბის დასახლებაში,  ბარათაშვილისა და გულისაშვილის  ქუჩებზე გზის რეაბილიტაცია დაიწყო.

სამუშაოების ფარგლებში,  გულისაშვილის ქუჩაზე სანიაღვრე სისტემა მოეწყობა, რის შემდეგაც ასფალტის საფარი დაიგება.

მიმდინარე ინფრასტრუქტურულ სამუშაოებს  დეპუტატი გულია გოცირიძე, გლდანის რაიონის გამგებელი ბექა მიქაუტაძე და გამგებლის მოადგილე ლევან ნარიუშვილი ადგილზე გაეცნენ.