თბილისის საკრებულოს გლდანის რაიონის მაჟორიტარი დეპუტატის გულია გოცირიძის ინიციატივით, რაიონის მოსახლეობისთვის c ჰეპატიტის უფასო კვლევა  ჩატარდა.
როგორც დეპუტატმა აღნიშნა, მოქალაქეებს ასევე უფასო სკრინინგის ჩატარების შესაძლებლობაც ქონდათ.

C ჰეპატიტის ელიმინაციის სახელმწიფო პროგრამის  ფარგლებში, 157 მოქალაქე გამოიკვლიეს.

რამდენიმე მოქალაქეს, რომლებსაც ანტისხეულები აღმოაჩნდა,  უფასო კონსულტაცია გაეწია. შესაბამისად, პაციენტები მკურნალობას დაავადებათა ფორმის დასადგენად  გააგრძელებენ და უფასო მკურნალობის პროგრამაში ჩაერთვებიან.

c  ჰეპატიტის ელიმინაციის სახელმწიფო პროგრამა 2015 წლიდან ამოქმედდა.
პროექტს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო დაავადებათა კონტროლისა და საზოგადოებრივი ჯანმრთელობის ეროვნული ცენტრის მეშვეობით ახორციელებს.