თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარემ, ვაკის რაიონის მაჟორიტარმა დეპუტატმა გიორგი ბირბიჩაძემ ახალი წელი სსიპ “სასწრაფო სამედიცინო დახმარების ცენტრის” თანამშრომლებს მიულოცა.

“სასწრაფო სამედიცინო დახმარების ცენტრის" თანამშრომლები 24 საათიან რეჟიმში მუშაობენ, მათ შორის, ახალი წლის ღამეს. სწორედ ამიტომ, მინდა, მათ და ყველა იმ ადამიანს, ვინც 31 დეკემბერს სამსახურეობრივ მოვალეობას ასრულებს, განსაკუთრებულად მივულოცო ახალი წელი. აგრეთვე, ვულოცავ დამდეგ 2019 წელს ყველა ჩვენს თანამოქალაქეს. სიკეთის და ბედნიერების მომტანი ყოფილიყოს ახალი 2019 წელი თქვენთვის და თქვენი ოჯახებისთვის!,"- განაცხადა გიორგი ბირბიჩაძემ.

გიორგი ბირბიჩაძე მის სამაჟორიტარო ოლქში, ვაკის რაიონში, ჭაბუა ამირეჯიბის გზატკეცილზე მდებარე სასწრაფო სამედიცინო დახმარების ცენტრის მე-12 რაიონულ ფილიალსა და ვაჟა-ფშაველას გამზირზე მდებარე მესამე რაიონულ ფილიალს ეწვია და სასწრაფო დახმარების ცენტრის თანამშრომლებს, ცენტრის დირექტორის მოვალეობის შემსრულებელ ირაკლი ბერეკაშვილთან ერთად შეხვდა.