დედაქალაქის მუნიციპალიტეტის საკრებულოში ეკონომიკური განვითარების, საინვესტივიო პოლიტიკის და საერთაშორისო ურთიერთობების კომისიის სხდომა გაიმართა.
სხდომას თბილისის მერიის ა(ა)იპ „თბილისის მეწარმეობის ხელშეწყობის ცენტრის“ უფროსი ირაკლი ბერიკაშვილი დაესწრო, რომელმაც კომისიის წევრებს განსახილველად სხვადასხვა მუნიციპალური პროგრამები წარუდგინა.
კერძოდ, ირაკლი ბერიკაშვილმა შემომყვანი ტურიზმის, ხალხური რეწვისა და სავარჯიშო გამაჯანსაღებელი მომსახურების დარგების განვითარების თაობაზე ისაუბრა და აღნიშნა, რომ ქალაქის საერთაშორისო ცნობადობის ასამაღლებლად, ასევე  ტურისტული მიმზიდველობის აქტუალიზაციის მიზნით, ცენტრი სხვადასხვა პრიორიტეტულ მიმართულებებზე მუშაობას კვლავაც აგრძელებს.
დასასრულს, კომისიის თავმჯდომარემ ლევან დარახველიძემ და კომისიის სხვა წევრებმა  სხდომაზე განხილულ მუნიციპალურ პროგრამებთან დაკავშირებით  საკუთარი რეკომენდაციები და ხედვები წარმოადგინეს.
„თბილისის მეწარმეობის ხელშეწყობის ცენტრის“ უფროსის განცხადებით, ცენტრი  აღნიშნულ რეკომენდაციებს გაითვალისწინებს  და საკრებულოში კორექტირებულ ვარიანტს წარმოადგენს.