თბილისის საკრებულოს სპორტისა და ახალგაზრდულ საქმეთა კომისიის თავმჯდომარე შალვა სუთიაშვილი, თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსთან ირაკლი გვილავასთან და მის მოადგილესთან ლაშა კაკულიასთან ერთად, გოჯუ-რიუს ახლად გახსნილ აკადემიაში იმყოფებოდა.

შალვა სუთიაშვილმა ირაკლი გვილავასთან ერთად აკადემია დაათვალიერა. თბილისის მერიამ, სპორტული კლუბებისა და ფედერაციებისათვის ინვენტარის და ეკიპირების პროგრამის ფარგლებში, გოჯუ-რიუს აკადემიას სპორტული ინვენტარი გადასცა.

როგორც შალვა სუთიაშვილმა განაცხადა, სპორტული კომპლექსების ინვენტარით მომარაგება და მხარდაჭერა მნიშვნელოვანია. მისივე თქმით, მსგავსი პროგრამები ახალგაზრდებში ჯანსაღი ცხოვრების წესის დამკვიდრებას ხელს უწყობს.