თბილისის საკრებულოს სპორტისა და ახალგაზრდულ საქმეთა კომისიის თავმჯდომარე შალვა სუთიაშვილი რაიონული გამგეობების წარმომადგენლებთან შეხვედრებს აგრძელებს. 

დედაქალაქის წარმომადგენლობით ორგანოში სპორტისა და ახალგაზრდულ საქმეთა კომისიის წევრების და რაიონული გამგეობების ინფრასტრუქტურული პროექტების მართვისა და პროექტირების განყოფილების წარმომადგენლების მორიგი შეხვედრა გაიმართა, რომელსაც კომისიის თავმჯდომარე შალვა სუთიაშვილი უძღვებოდა. 

შეხვედრაზე ბიუჯეტით გათვალისწინებული პროგრამის „კეთილმოწყობის ღონისძიებები რაიონებში” ფარგლებში განსახორციელებელ ღონისძიებებზე იმსჯელეს. კერძოდ, საუბარი შეეხო სპორტული ინფრასტრუქტურის მშენებლობისა და რეაბილიტაციის სამუშაოებს რომლებიც თბილისის სხვადასხვა რაიონში უნდა განხორციელდეს. 

შეხვედრაზე დეტალურად ისაუბრეს სპორტული მოედნების შეკეთებაზე, ახალი სპორტული მოედნების მოწყობასა და არსებულის რეკონსტრუქცია-რეაბილიტაციაზე და ამ სფეროში მიმდინარე აქტივობების შესახებ ინფორმაციაც მოისმინეს. რაიონული გამგეობების წარმომადგენლებთან შეხვედრები მომავალშიც გაგრძელდება.