თბილისის მუნიციპალიტეტის საკრებულოს სპორტისა და ახალგაზრდულ საქმეთა კომისიის თავმჯომარემ, გიორგი ჩაკვეტაძემ თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსთან, ირაკლი გვილავასთან ერთად გლდანი-ნაძალადევის კომპლექსური სპორტული ცენტრის სამშენებლო - სარეაბილიტაციო სამუშაოები დაათვალიერა.

სპორტულ ბაზაზე ჭიდაობის დარბაზი, კრივის რინგი, 2 საცურაო აუზი, ფიტნეს - დარბაზი, კაფე და გასახდელები მოეწყობა.

სპორტული კომპლექსის გახსნა სექტემბრის ბოლოს იგეგმება და სრული დატვირთვის შემდეგ ცენტრი 1000-ზე მეტ ბენეფიციარს მოემსახურება.