თბილისის საკრებულოს განათლებისა და კულტურის კომისიის თავმჯდომარემ თამარ ტალიაშვილმა და სპორტისა და  ახალგაზრდულ საქმეთა კომისიის თავმჯდომარემ  გიორგი ჩაკვეტაძემ ,,თბილისის ახალგაზრდული ცენტრების გაერთიანების’’ მიერ განხორციელებულ ტრენინგ-კურსებში მონაწილე ახალგაზრდებს სერტიფიკატები გადასცეს.

ღონისძიება თბილისის ახალგაზრდული ცენტრების გაერთიანების ორგანიზებით მოეწყო. დაჯილდოებაზე სიტყვით გამოვიდნენ მერიისა და საკრებულოს წარმომადგენლები. მათი განმარტებით, არაფორმალური განათლების ხელშეწყობა თბილისის ბიუჯეტის ერთ-ერთი პრიორიტეტია და მომავალში  დაგეგმილია ამ სფეროს კიდევ უფრო გაზრდა და განვითარება.

ტრენინგ-კურსების თემატიკა  შემუშავებული იყო ახალგაზრდების საჭიროებათა კვლების საფუძველზე და მოიცავდა შემდეგ თემებს: საჯარო გამოსვლა, დროის მართვა, პროექტების მართვა,  ლიდერობა, პიროვნული განვითარება, მეწარმეობა და ინოვაცია.

არაფორმალური განათლების პროგრამის ფარგლებში  განხორციელებულ ტრენინგ-კურსებში მონაწილეობის სურვილი დააფიქსირა  500-მდე ახალგაზრდამ.  ტრენინგებში მონაწილეობისა და აქტიური ჩართულობის  საფუძველზე კი სერტიფიკატი გადაეცა 120 მათგანს.

პროგრამის ფარგლებში განხორციელებული  ტრენინგ-კურსები მიმდინარეობდა ინტერაქტიული სახით  და თეორიულ სწავლებასთან ერთად  პრაქტიკული დავალებების ნაწილს მოიცავდა.