თბილისის მუნიციპალიტეტის საკრებულოში სპორტისა და ახალგაზრდულ საქმეთა კომისიის სხდომა გაიმართა, სადაც დეპუტატებმა დღის წესრიგით გათვალისწინებულ საკითხებზე იმსჯელეს.
კომისიის თავმჯდომარემ ქეთავან ჯოხაძემ, კომისიის წევრებსა და მოწვეულ სტუმრებს დედაქალაქის 2015 წლის ბიუჯეტში კალენდარული წესით გათვალისწინებული პროექტები წარუდგინა.
კომისიამ დადებითი რეკომენდაცია მისცა უშუს, მშვილდოსნობისა და კრივის თბილისის ნაკრები გუნდების, ასევე ჭადრაკში 8-დან 12 წლამდე ჭაბუკთა და გოგონათა შორის ჩასატარებელი ჩემპიონატების დაფინანსებას.
სხდომას დეპუტატების გარდა, მერიის სპორტისა და ახალგაზრდობის საქმეთა საქალაქო სამსახურის წარმომადგენლები ესწრებოდნენ.