დედაქალაქის მუნიციპალიტეტის საკრებულოს სპორტისა და ახალგაზრდულ საქმეთა კომისიის თავმჯდომარე ქეთევან ჯოხაძე გერმანიის ქალაქ კარლსრუეს უნივერსიტეტის პროფესორს ზიგფრიდ კრაინერს შეხვდა.
დეპუტატმა სტუმარს თბილისის საკრებულოს ისტორიული შენობა დაათვარიელებინა და თბილისის შესახებ მოკლე ისტორია უამბო.
შეხვედრა გაცნობითი ხასიათის იყო.
როგორც  ქეთევან ჯოხაძემ განაცხადა, ზიგფრიდ კრაინერმა საკრებულოს საინტერესო წინადადებები წარუდგინა, რის გამოც ახლო მომავალში ურთიერთთანამშრომლობის მემორანდუმი გაფორმდება.  საუბარია  ქართველი და გერმანელი სტუდენტების გაცვლით პროგრამებზე და სხვა სპორტულ თუ კულტურულ ღონისძიებებზე.
დეპუტატის თქმით, გაზაფხულზე გერმანიაში თბილისის საკრებულოს წარმომადგენლების ვიზიტი შედგება, სადაც უკვე კონკრეტული გეგმების განხილვა მოხდება.