თბილისის მუნიციპალიტეტის საკრებულოს სპორტისა და ახალგაზრდულ საქმეთა კომისიის თავმჯდომარე ქეთევან ჯოხაძე და სარევიზიო კომისიის თავმჯდომარე ნუგზარ მალაღურაძე დიღომში „ოლიმპიური აუზის“ 2016 წლის სეზონის გახსნას დაესწრნენ.
საღამო სპორტისა და ახალგაზრდულ საქმეთა მინისტრმა ტარიელ ხეჩიკაშვილმა გახსნა და შეკრებილ საზოგადოებას „ოლიმპიური აუზის“ 2016 წლის სეზონის დაწყება  მიულოცა.
აუზი, რომელიც  2015 წელს, თბილისში ჩატარებული ახალგაზრდული ოლიმპიური ფესტივალის ფარგლებში აშენდა, საერთაშორისო სტანდარტებს სრულად აკმაყოფილებს და ტურნირების ორგანიზებისა და დამსვენებელთა მიღების მიმართულებით მომხმარებელს უმაღლესი ხარისხის მომსახურებას სთავაზობს.
საცურაო კომპლექსი ორ ღია და   ერთ დახურულ აუზს(ბავშვებისთვის) აერთიანებს.
კომპლექსი, რომლის  ტერიტორიაზე კაფე და ღია ბარიც ფუნქციონირებს, ერთდროულად 400-მდე დამსვენებლის მომსახურების საშუალებას იძლევა.