საკრებულოს სპორტისა და ახალგაზრდულ საქმეთა კომისიის ინიციატივითა და ფრისბის ფედერაციის ორგანიზებით თბილისში მფრინავი დისკის მატჩი მოეწყო.
შეჯიბრი ორ უბანს შორის გაიმართა და მასში სამგორისა და ვაზისუბნის ახალგაზრდებმა მიიღეს მონაწილეობა.
როგორც საკრებულოს სპორტისა და ახალგაზრდულ საქმეთა კომისიის თავმჯდომარემ ქეთევან ჯოხაძემ აღნიშნა, სპორტის ეს მიმდინარეობა ამერიკის შეერთებული შტატების მსგავსად საქართველოშიც გახდება პოპულარული. ,,დარწმუნებული ვარ  სპორტის ამ სახეობას ძალიან მალე გამოუჩნდებაგულშემატკივარი. ფრისბი ერთერთი უსაფრთხო სპორტია და ვფიქრობ სკოლებში ძალიან დიდი ინტერსესს გამოიწვევს. ჩვენი მიზანია ახალგაზრდების პრიორიტეტად ვაქციოთ ჯანსაღი ცხოვრების წესი და ხელი შევუწყოთ ყველა სპორტის განვითარებას“, - განაცხადა ქეთევან ჯოხაძემ.
ფრისბის ფედერაცია საქართველოში 4 წლის წინ ჩამოყალიბდა და როგორც მისი პრეზიდენტი ალექსი ედიშერაშვილი აცხადებს, აღნიშნული სპორტის მიმდინარეობით უკვე დაინტერესდა რამდენიმე სკოლა, სამომავლოდ კი  დაგეგმილია ფრისბის საქართველოს მასშტაბით განვითარება.