თბილისის მუნიციპალიტეტის საკრებულოში სპორტისა და ახალგაზრდულ საქმეთა კომისიის სხდომა გაიმართა, რომელსაც მერიის შესაბამისი სამსახურის წარმომადგენლები ესწრებოდნენ.
სხდომაზე მერიის განათლების, სპორტისა და ახალგაზრდულ საქმეთა სამსახურიდან შემოსული წერილი განიხილეს, რომლის თანახმადაც სტუდენტები საახალწლო ღონისძიების მოსაწყობად თანადაფინანსებას ითხოვდნენ.
კომისიის გადაწყვეტილებით, სოხუმის სახელმწიფო უნივერსიტეტს 2500 ლარის ოდენობით თანხა გამოეყო.
საკრებულოს სპორტისა და ახალგაზრდულ საქმეთა კომისიისა და მერიის წარმომადგენელთა თქმით, აუცილებელია წელიწადში ერთხელ მაინც მოხდეს სტუდენტთა წახალისება, რაც ახალგაზრდებს მისცემს სტიმულს და საშუალებას, უფრო ადვილად მოახდინონ საკუთარი თავის რეალიზება.