თბილისის საკრებულოს თავმჯდომარე გიორგი ტყემალაძე და სპორტისა და ახალგაზრდულ საქმეთა კომისიის წევრები საქართველოში მოქმედი სხვადასხვა საერთაშორისო დონორი ორგანიზაციების წარმომადგენლებს შეხვდნენ და კომისიის მუშაობის ანგარიში წარმოუდგინეს.

თბილისის მუნიციპალიტეტში მიმდინარე სპორტული და ახალგაზრდული პროგრამები სტუმრებს კომისიის თავმჯდომარემ გიორგი ჩაკვეტაძემ გააცნო და ადგილობრივი თვითმმართველობის პირველი ახალგაზრდული ფორუმის მნიშვნელობაზე ისაუბრა.

როგორც გიორგი ჩაკვეტაძემ აღნიშნა,  ფორუმის მიზანს  ახალგაზრდული პოლიტიკის დოკუმენტის მიხედვით განსაზღვრული პრიორიტეტების შესრულების ხელშეწყობა და მუნიციპალიტეტებს შორის თანამშრომლობის გაღრმავება წარმოადგენს.მისივე თქმით,  

ახალგაზრდული ფორუმის  შემდეგი ეტაპი სექტემბერშია დაგეგმილი.
შეხვედრაზე, რომელიც კითხვა-პასუხის რეჟიმში გაგრძელდა, საერთაშორისო ორგანიზაციების წარმომადგენლების შეკითხვებს დეტალური პასუხები კომისიის წევრებმა გასცეს და სამომავლო თანამშრომლობის გეგმები დასახეს.