თბილისის საკრებულოში ორი კომისიის, განათლებისა და კულტურის, ასევე სპორტისა და ახალგაზრდულ საქმეთა კომისიების  გაერთიანებული სხდომა გაიმართა.

სხდომაზე, რომელსაც შესაბამისი კომისიების თავმჯდომარეები კახა ლაბუჩიძე და გიორგი ჩაკვეტაძე უძღვებოდნენ, თბილისის "მოსწავლე-ახალგაზრდობის ეროვნული სასახლის" და "მოსწავლე-ახალგაზრდობის სახლის" 2021 წლის საქმიანობის ანგარიშებს მოუსმინეს.

გასული წლის საქმიანობის ანგარიშები საკრებულოს წევრებს თბილისის "მოსწავლე-ახალგაზრდობის ეროვნული სასახლის" დირექტორმა თინათინ რუხაძემ და თბილისის „მოსწავლე-ახალგაზრდობის სახლის“ დირექტორმა მანანა წნორიაშვილმა წარუდგინეს. მათ, ეროვნულ სასახლესა და ახალგაზრდულ სახლში ადრე და ამჟამად არსებულ მდგომარეობაზე, სასწავლო-სააღმზრდელო საქმიანობის ძირითად მიმართულებებზე, ინფრასტრუქტურულ და საგანმანათლებლო განახლებაზე, ახალ პროექტებსა და პროგრამებზე ისაუბრეს და საკრებულოს წევრებს საქმიანობის სამომავლო გეგმები გააცნეს.