თბილისის მუნიციპალიტეტის საკრებულოს საფეხბურთო გუნდი მუნიციპალიტეტის უწყებათაშორის საფეხბურთო ტურნირში წარმატებით ასპარეზობას განაგრძობს. საკრებულოს გუნდმა ანგარიშით 5:4 დაამარცხა მერიის სპორტის საქალაქო სამსახურის გუნდი და ნახევარფინალში გადავიდა. სადაც მისი მეტოქე მერიის კეთილმოწყობის საქალაქო სამსახურის გუნდი იქნება. 

ტურნირი, რომელსაც სტადიონი ,,იმედი" მასპინძლობს, თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახურის ორგანიზებით მიმდინარეობს.

ტურნირის მიზანი არის ჯანსაღი ცხოვრების პოპულარიზაცია და სამოყვარულო სპორტის განვითარება.