თბილისის საკრებულოს სპორტისა და ახალგაზრდულ საქმეთა კომისიის სხდომაზე ეპიდემიის გათვალისწინებით შექმნილ ვითარებასა და აღნიშნულ პერიოდში სპორტისა და ახალგაზრდულ საქმეთა კუთხით მიმდინარე დღის წესრიგზე იმსჯელეს.

მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ხელმძღვანელმა, ირაკლი გვილავამ კომისიის წევრებს საქმიანობის ამჟამინდელი მიმდინარეობა გააცნო და არაერთ დაგეგმილ პროგრამასა და პროექტზე მოხსენება წარმოადგინა.

როგორც კომისიის თავმჯდომარემ, გიორგი ჩაკვეტაძემ აღნიშნა, შექმნილი ეპიდსიტუაციიდან გამომდინარე, სხდომა გარკვეული ხნით აქამდე არ ჩატარებულა და შეხვედრამ ნაყოფიერად ჩაიარა.

,,დაგროვდა არაერთი განსახილველი საკითხი, რომლის გარშემოც დღეს მსჯელობა წარიმართა. პანდემიის მიუხედავად, მერიის სამსახური, ისევე როგორც საკრებულოს საქმიანობა, არ შეჩერებულა და მნიშვნელოვანია, რომ ამ პირობებშიც, ვახერხებთ, ვეძებოთ გააქტიურების გზები და დავგეგმოთ სამომავლო ღონისძიებები“, - აღნიშნა გიორგი ჩაკვეტაძემ.