თბილისის საკრებულოს სახელდების და სიმბოლიკის კომისიის სხდომა გაიმართა, რომელზეც დღის წესრიგით გათვალისწინებული საკითხები განიხილეს. კომისიის თავმჯდომარემ თინათინ ნიბლოშვილმა ქუჩების, ჩიხების, სპორტული მოედნების და სკვერების სახელდების საკითხები წარადგინა.

თბილისში, რამდენიმე უსახელო ქუჩას, ჩიხსა და სკვერს საქართველოს ტერიტორიული მთლიანობისთვის დაღუპული გმირების სახელები მიენიჭება. დედაქალაქს ასევე შეემატება ტოპონიმური, ხელოვნების და ლიტერატურის სფეროს წარმომადგენელთა სახელები.

კომისიის წევრებმა წარმოდგენილ საკითხებს მხარი დაუჭირეს.