სახელდებისა და სიმბოლიკის კომისიის წარმომადგენლებმა მოსახლეობის მომართვის საფუძველზე,  სამგორის რაიონში მდებარე მუხაძის ქუჩა დაათვალიერეს.

როგორც ირკვევა, გიორგი მუხაძის ქუჩა მოიცავს ერთმანეთთან ქალაქგეგმარებით კავშირის არმქონე მონაკვეთებს, რაც ართულებს მისამართების მიგნებას.

საკითხის შესწავლის პროცესში დადგინდა, რომ ხსენებული პრობლემა სირთულეებს ქმნის როგორც მიგნების, ასევე შენობა-ნაგებობების ნუმერაციის თვალსაზრისით.

კომისიის წარმომადგენლებმა ადგილზე შეისწავლეს ქუჩათა გეგმარება. სახელდებისა და სიმბნოლიკის კომისია აღნიშნულ საკითხს უახლოეს სხდომაზე განიხილავს და გადაწყვეტილებას  მოქალაქეთა ინტერესების გათვალისწინებით მიიღებს.