თბილისის საკრებულოში მერვე მოწვევის საკრებულოს სახელდებისა და სიმბოლიკის კომისიის პირველი სხდომა გაიმართა. სხდომას კომისიის თავმჯდომარე ლევან აბაშიძე უძღვებოდა, რომელმაც კომისიის წევრებს სახელდებისა და სიმბოლიკის კომისიის საქმიანობაზე, კომისიის ფუნქციებზე და გეოგრაფიული ობიექტების სახელდების პროცედურებზე ინფორმაცია მიაწოდა.

როგორც ლევან აბაშიძემ განაცხადა, თბილისის საკრებულოს სახელდებისა და სიმბოლიკის კომისია გეოგრაფიული ობიექტების სახელდების საკითხების განხილვის პროცესში მჭიდროდ თანამშრომლობს დედაქალაქის მერიასთან და სახელმწიფო უწყებებთან.

სახელდებისა და სიმბოლიკის კომისიის თავმჯდომარემ კომისიის სამომავლო გეგმებზე გაამახვილა ყურადღება. კომისიის წევრებმა კომისიის მუშაობასთან დაკავშირებით საკუთარი ხედვები და მოსაზრებები წარმოადგინეს.