თბილისის საკრებულოს სახელდებისა და სიმბოლიკის კომისიის სხდომაზე, დედაქალაქში არსებული უსახელო ქუჩებისთვის აფხაზეთის ომში დაღუპული მებრძოლების სახელების მინიჭების შესახებ მორიგი საჯარო განხილვა გაიმართა. სხდომას კომისიის თავმჯდომარე თინათინ ნიბლოშვილი უძღვებოდა.

კომისიის წევრების მიერ მიღებული გადაწყვეტილებით, დედაქალაქს აფხაზეთის ომში დაღუპული ხუთი მებრძოლის სახელობის ქუჩა შეემატება, ხოლო  ნაძალადევის რაიონში  აფხაზეთში დაღუპული გმირის  ლევან შათირიშვილის სახელი უსახელო სპორტულ მოედანს მიენიჭება.  

დედაქალაქის სხვადასხვა რაიონში იქნება აფხაზეთის ომში დაღუპული მებრძოლების  მალხაზ ჯღარკავას,  რევაზ ბებიას, გელა მინდიკაურის, ნოდარ (ვეფხო) მათიაშვილის, ოთარ ოძელაშვილის  სახელობის ქუჩები.

საჯარო განხილვას, კომისიის წევრებთან ერთად,  დაღუპული მებრძოლების ოჯახის წევრები და ვეტერანების საქმეთა სახელმწიფო სამსახურის წარმომადგენლები ესწრებოდნენ.