01 აპრილი 2015 დღეს, 17.00 საათზე, დედაქალაქის მუნიციპალიტეტის საკრებულოს გარემოს დაცვისა და იურიდიულ საკითხთა კომისიების გაერთიანებული სხდომა გაიმართება, სადაც კომისიის წევრები და დეპუტატები ცხოველთა მოვლა-პატრონობისა და მათი პოპულაციების მართვის წესის პროექტს განიხილავენ. შესაბამისად, წარმომადგენლობითი ორგანო აქვეყნებს აღნიშნულ პროექტს, რომელშიც არასამთავრობო და სხვა ორგანიზაციების მიერ მიწოდებული რეკომენდაციები და შენიშვნებია გათვალისწინებული.
