თბილისის საკრებულოში ურბანული დაგეგმარებისა და საქალაქო მეურნეობის, განათლებისა და კულტურის, ასევე გარემოს დაცვის კომისიების გაერთიანებული სხდომა გაიმართა, რომელზეც მერიის ურბანული განვითარების საქალაქო სამსახურის უფროსად ალექსანდრე ტოგონიძის დანიშვნის შესახებ იმსჯელეს.

ალექსანდრე ტოგონიძე დეპუტატებს თბილისის მერის მოადგილემ მაია ბითაძემ წარუდგინა. როგორც მან განაცხადა, ალექსანდრე ტოგონიძეს  საკმაოდ დიდი გამოცდილება აქვს და ამ გამოცდილების გათვალისწინებით, იგი დაკისრებულ მოვალეობებს თავს წარმატებით გაართმევს. დეპუტატებმა ტოგონიძის კანდიდატურას, საკრებულოს სხდომაზე განსახილველად, დადებითი რეკომენდაცია მისცეს.

გარდა ამისა, საკრებულოს წევრებმა დღესვე რამდენიმე მისამართზე ზონალური ცვლილებები დაამტკიცეს.