08 აგვისტო 2022
თბილისის საკრებულოში გარემოს დაცვის კომისიის სხდომა გაიმართა, რომელსაც გარემოს დაცვის კომისიის თავმჯდომარე ნიკოლოზ კახეთელიძე უძღვებოდა.
კომისიის წევრებმა „დედაქალაქის მიწათსარგებლობის გენერალური გეგმის დამტკიცების შესახებ“ ქალაქ თბილისის მუნიციპალიტეტის საკრებულოს 2019 წლის 15 მარტის N3918 დადგენილებაში რამდენიმე ცვლილების შეტანის თაობაზე ქალაქ თბილისის საკრებულოს დადგენილების პროექტი განიხილეს. საკითხები თბილისის მუნიციპალიტეტის ტრანსპორტისა და ურბანული განვითარების სააგენტოს წარმომადგენლებმა ოთარ ჩიტიძემ და ნინო ბაგაშვილმა წარადგინეს.
კომისიის სხდომაზე წარდგენილ საკითხებს საკრებულოს უახლოეს სხდომაზე განიხილავენ.
